Raumanga – Tōku tupuranga

I whānau mai ahau ki Whāngarei, pakeke mai ai ki roto o Raumanga.

I ēnei rā ka meatia he wāhi kino me nga kupu rongonui ā ētahi: ‘Ki te hāere koe ki Raumanga, me matāra kei tāhaetia o tāonga.’

Engari i te tupuranga o ōku tungāne he wāhi e tāea ai te tamariki ki te kōtiti haere, ki te kake pahikara, he tāhae huarākau I nga rākau o nga hoa noho pātata, he tākaro tahi kia timata rānō te heke o te rā, ā ka tere oma ki te kainga kei wepua te tou.

I mōhio nga Tamariki katoa kia rātou anō, me nga mātua o te hāpori o Raumanga.

I kitea tonuitia nga kēnge rangatahi I aua wā engari he whiu kupu noaiho te mahi ahakoa tērā I hangareka tonu te noho, I te ao I te pō.

Ka whānau mai ahau I te tau 90 ki te hohipera o Whāngarei, āhua 5 kiromita te tawhiti I Raumanga.

I āu e tupu ana I wehe kē oku Tungane I te kāinga ki te pīki moki o Tāmaki, ā I aua wā tonu kahore te tangata I aha ki tō mātou whare, tērā pea na te pukuriri o toku Matua, na te kōhete pea o toku Māma, hākoa tēna I pai to mātou tupuranga, he kake pahikara, he kai tahi, he tākaro tahi, he kōtiti hāere te mahi.

I nga tau e whitu pea ki muri I kite ahau I te hūneketanga mai o ngā whānau hou o wāhi kē atu, o ahurea kē atu, o whakatupuranga kē atu. Kua tupu te rahi o nga kēnge I korerotia I mua, kua Tamariki ake te pakeke, kua atua nga whakārō o nga taiohi o ēnei rā.

I mārama te kite I te panonitanga o te hapori o Raumanga I te aranga I tētahi ata e 6 tau pea ki muri ā na tētahi, ētahi rānei pea to mātou taiapa I karawhiti, he anuanu te hanga kahore he whakārō kahore he aha!

No taua wā, tae mai ki tēnei rā, kua matatoru ake nga mahi raweke, ngā mahi karawhiti, te kaha o te kangakanga o nga Tamariki o tēnei reanga, me te whakārō pena I rongo oku mātua I āu e kangakanga ana I taku taitamarikitanga ka pākia te waha engari ko aua kupu rongonui rānō, kua huri nga wā.

I te tau 2013 I tukia to matou taiapa e tētahi tama 15 te pakeke, raihana kore, haurangi me ana pāhīhī tokorua 15, 16 nga tau, me te pūpū ake o te mahara I te wā I hangaia te taiapa e toku Pāpā me toku matua kēke I te tau 84. Kā nui nga rereketanga I ēnei rā! Kua matatoru ake te tini o nga waka ka hipa I to mātou whare notemea e pātata ana ki te huarahi matua, me te kore whai whakārō o te kai taraiwā ki nga toa e pātata mai ana ā kua tapaina ko te whakawhitinga rori kino rawa o Whāngarei.

No nga marama kua tata kua taha ake nei, I hau pokanoatia to mātou toa hoko iti e ētahi tāhae, e toru whā pea marama I muri mai I hau pokanoatia to matou toa tapawhā, ā no nga wiki tata kua taha ake I hau pokanoatia te toa hoko waipiro ki te tahae hikareti me te moni.

Mo te aha te take? E pōhara ana te tangata? Kua whakarerea katoa nga akoranga o ana mātua, o ona Tūpuna? He aha ai kua huri te tangata ki te raweke toa, whakamatakū tangata, whakaweti I nga tangata no rātou te toa. Enei raru kahore ia mātou anake, nga rā muri mai I te patunga o te toa tapawhā I patua hoki te toa ki Maunu hanga 6 kiromita te tawhiti mai ia mātou.

Kā mutu, he korero whakamutunga pea, kua ahatia to tātou hāpori?

Ko te pātai miriona tārā, me aha, kia mārama rāno te tangata e hē ana ona mahi?

Me mate pea te tangata?

Tāria te wā ka kite.

 

Latest posts by Amber Smith (see all)