Ki Ahitereiria hoki mai ano ki Aotearoa, te tawhiti o taku hāere, toru hāora te roa. Ahakoa te kikī o nga wāhi noho I āhei tonu ki te moe, engari nā te kikī I hanga āwangawanga ahau ki te neke I te tuara o taku tūru kia pai ake te moe kei amuamu te pāhīhī o muri.
I hāneanea te hāere o te waka, ahakoa I hanga tapatapahī te kaha o te hau I ētahi wā kua taunga kē au ki tērā tūāhua. He mātanga katoa nga kai mahi, he reka nga kai, I ētahi wā, ā I te wā ka tau te rere o te waka I te rangi ka whakawetohia nga raiti whītiki ka huakina hoki te kīhini, ā te pāpara hoki kia āhei te hoko kai, inu, aha atu.
I taku hokinga mai I Ahitereiria I tae māua ko toku Māmā ki te mihini whārau hoko I te papa rererangi o Sydney, ā I kona tētahi wahine, he kaimahi mo Air New Zealand, engari no ahitereiria tūturu te pākeha nei, me tana kaha ki te whakamahi I te reo māori.
I whakatata atu māua ki te tiki I o māua tikiti ā ka mihi mai ia, Kia Ora.
Ka whakahokia te mihi, ā ka pātai mai ia. Kei te pēhea kōurua? Ka whakahoki kōrero anō ki a ia, e ora ana māua, engari e hoki ana ki te kāinga. I ohorere I te tuatahi, ā whai muri mai I mahana te manawa I tana whakapau ngoi, ā me taku mokemoke hoki ki te kainga pea te take.
Engari kahore I oti I reira, I huri mai ia me te mea, he makariri ahau. Me te pono hoki o ōna kōrero. Kōpeke pai te papa rererangi o Sydney, engari koia ke a ia mo te whakamahi i te reo.
Pena he tākoha kupu tāku ki te hunga kahore ano kia haere mā te waka rererangi, penapena pūtea ki te hoko pera māu, kaua e oma kia tāe tuatahi atu koe ki te kuhunga rererangi, āta hāere kia tau te mauri.
Air New Zealand, kei runga noa atu. 8/10.
- Video: Te Whare Tapu o Ngāpuhi - June 13, 2017
- Review (Arotake): Air New Zealand - April 11, 2017
- Raumanga – Tōku tupuranga - April 3, 2017
